Foto: KB Rahoveci/Facebook
Basketboll, Ylli e fiton derbin ndaj Rahovecit
28.3.2019 - 23:19
Në derbin e xhiros së 24-të në Superligën e Kosovës në basketboll, Ylli ka triumfuar ndaj Rahovecit duke e mposhtur në palestrën “Mizahir Isma” në Rahovec me rezultat të ngushtë 62-61.
Minutat e fundit të kësaj ndeshje ishin vendimtare, pasi epërsia kalonte herë te njëra skuadër e herë të tjetra.
Lojtari më i dalluar te Ylli ishte Bambale Osby me 17 pikë.
Ndërsa te Rahoveci shkëlqeu Frederik Richardson me 23 pikë dhe 15 asistime.
Pas kësaj fitoreje Ylli pozicionohet në vendin e dytë me 41 pikë.
Ndërsa Rahoveci në vendin e tretë me 39 pikë.
