VIDEO- Rrjedhje e madhe e ujit në Kishnicë, Ujësjellësi thotë se është dëmtuar linja
Në hyrje të fshatit Kishnicë ka shpërthyer një gyp uji.
KALLXO.com ka siguruar fotografi dhe në magjistralen Prishtinë-Gjilan ku shihet sasi e madhe e ujit që ka dalë nga shpërthimi i gypit.
Pamjet tregojnë se edhe kalueshmëria e veturave të këtë pjesë është vështirësuar.
KALLXO.com në lidhje me këtë rast ka kontaktuar edhe me Zëdhënësen e Kompania Rajonale e Ujësjellësit Prishtina.
Ajo tha se linja në atë pjesë është dëmtuar nga disa operatorë ekonomikë.
“Ne jemi duke e testuar linjën emergjente për furnizim me ujë te Badovcit, por kemi kuptuar dhe informuar se disa operatorë ekonomikë kanë dëmtuar atë linjë , përgjatë punimeve te tyre. Pra, jemi duke bërë testim te linjës emergjente”, tha Mjeku për KALLXO.com.
Gjatë ditës KRU Prishtina kishte marrë edhe një ankesë tjetër sa i takon shpërthimit të kanalizimit.
Sipas Mjekut ai problem ishte sanuar ndërsa, rasti i dytë është testim i linjës emergjente të Badovcit.