Vdekja në Prishtinë, viktima ishte gjetur e shtrirë në tokë
Një vdekje e dyshimtë ka ndodhur para një ore në rrugën “Ferhat Dragaj” në Prishtinë.
Zëdhënësja e Policisë së Kosovës për rajonin e Prishtinës, Flora Ahmeti, ka thënë se kanë gjetur një person të lënduar, të shtrirë në afërsi të një objekti në rrugën “Ferat Dragaj” në Prishtinë.
Viktima është e gjinisë femërore.
Tutja ajo ka treguar se Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e viktimës.
“Aktualisht policia po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit” – ka thënë ajo.
Në anën tjetër, Policia ka bllokuar rrugën tek vendi ku ka ndodhur ngjarja.
