Radari i Policisë
Shpejtësi e frikshme në rrugët e Tiranës, pezullohen 16 patentë shoferë (VIDEO)
24.11.2019 - 08:05
Policia rrugore shqiptare ka vijuar gjatë natës kontrollet parandaluese në rrugët e evidentuara me rrisk për aksidente rrugore.
Patrullat e Policisë po aplikojne forma të ndryshme kontrolli duke përdorur të gjitha mjetet teknike për matjen e shpejtësisë dhe nivelin e alkoolit te drejtuesit e mjeteve.
Këshut, gjatë kontrolleve me radar në rrugën Sauk-TEG-Kashar është regjistruar shpejtësi e frikshme e vozitjes deri në 173 km/h në orën kur fluksi i mjeteve ishte i plotë.
Për 5 orë kontroll me radar u pezulluan 16 patenta për shpejtësi nga 135 km/h deri në 173 km/h.
Ndërkohë 5 prej drejtuesve të automjeteve të konstatuara me shpejtësi, pas alkooltestit rezultuan edhe nën efektin e alkoolit në masë që varionte nga 0.30 mg/l deri 0.44 mg/l.