Sa qytetarë të Shtimes e votuan kryetarin e tyre?

Njëri prej kryetarëve të Komunave të Kosovës që kandidoi për deputetë në zgjedhjet e 6 tetorit, ishte edhe ai i Shtimes, Naim Ismajli nga PDK, por se nuk mori votat e mjaftueshme për të siguruar ulëse në Kuvend

Në komunën që ai e udhëheq Ismajli mori 2,247 vota, por pak më shumë se ai kishte marrë kandidati për kryeministër nga kjo parti Kadri Veseli, i cili ka 3,361 vota.

Ismajli në zgjedhjet e fundit për kryetar Komune në raundin e parë kishte marrë 4,983 vota.

Partia Demokratike e Kosovës në Shtime në zgjedhjet e 6 tetorit, u rendit si partia e partë me 4,164 vota apo 33.567 përqind.

Komisioni Qendror Zgjedhor (KQZ) ka shpallur të enjten rezultatet përfundimtare të zgjedhjeve të parakohshme parlamentare, që u mbajtën me 6 tetor.

Sipas rezultateve të KQZ-së, Partia Demokratike e Kosovës do t’i ketë 25 ulëse në Kuvendin e Kosovës. Nga 25 deputetë, kjo parti në parlament do të përfaqësohet me vetëm tetë gra.

Deputetët e PDK në Parlamentin e Kosovës

Përveç Ismajlit, dy kryetarë të komunave që kandiduan ishin Shpend Ahmeti i Prishtinës dhe Xhafer Gashi i Obiliqit, ku asnjëri prej tyre nuk morën votat për t’u bërë deputetë.

Sa qytetarë të Obiliqit e votuan kryetarin e tyre?

Shkëlqimi dhe rënia e Shpend Ahmetit