Foto: Urim Krasniqi/KALLXO.com
Qeveria mohon se Kurtit iu refuzua viza amerikane
03.11.2021 - 21:26
Në disa media sot u raportua se shefit të ekzekutivit kosovar, Albin Kurtit, i është refuzuar viza amerikane, e cila i duhej për një vizitë në ShBA.
Mirëpo këtë e demantuan nga zyra për media e Qeverisë së Kosovës.
Zëdhënësi i Qeverisë, Përparim Kryeziu, tha për KALLXO.com se Kurti është i pajisur me vizë amerikane. Madje tha se ai do të udhëtojë së shpejti atje.
“Nuk është e vërtetë. Kryeministri Kurti është i pajisur me vizë amerikane. Ai do të udhëtojë për në Shtetet e Bashkuara të Amerikës së shpejti. Vizita e tij është duke u planifikuar”, tha Kryeziu.