Punëtorë teknik të shkollave e kujdesit parësor shëndetësorë në Prishtinë njoftojnë për protestë për rritje të pagave

Punëtorë teknik të Qendrave të Mjekësisë Familjare dhe disa shkollave në Prishtinë do protestojnë të martën para Komunës së Prishtinës më kërkesën për rritje të pagave.

Kryetari i Federatës Sindikale e Punëtorëve Teknikë të sektorit privat të Kosovës, Jusuf Azemi përmes një njoftimi bëri të ditur se protesta do zgjasë një orë, respektivisht nga ora 10:00-11:00.

“Ju njoftojmë se nesër më datë 21.11.2023 duke filluar nga ora 10:00 deri në ora 11:00, punëtorët teknik të QMF-Prishtinë dhe të disa shkollave të Prishtinës, do të protestojnë për një orë rresht para komunës së Prishtinës, arsyeja-rritja e pagave”- thuhet në njoftim.