Prokuroria kërkon paraburgim për të dyshuarin nga Skenderaj, të cilit dyshohet se iu gjetën afër 60 kg marihuanë
Prokuroria e Mitrovicës ka parashtruar kërkesë për caktimin e masës së paraburgimit për të dyshuarin E.A. për shkak të dyshimit të bazuar se ka kryer veprën penale -shitblerje e narkotikëve.
Gjatë këtij operacioni ishte arrestuar i dyshuari E.A., viti i lindjes 1995 dhe i njëjti ishte ndaluar për 48 orë.
Sipas njoftimit të Prokurorisë, në shtëpinë e të dyshuarit ishin gjetur afër 60 kilogramë të llojit marihuanë,
“Ekziston dyshimi i bazuar se i dyshuari E.A., prej datës të pacaktuar e deri me datë 15.08.2023 në fshatin Vajnikë – komuna e Skenderajt, në shtëpi dhe objektet përcjellëse, me qëllim shitje apo shpërndarje, pa autorizim ka poseduar substanca narkotike të llojit marihuanë, me peshë të tërësishme prej 59 kilogramë e 973 gramë”- thuhet në njoftimin e Prokurorisë.