Prishtina fillon procedurat për ndërtimin e Qendrës së Mjekësisë Familjare në lagjen 'Veternik' pas anulimit për herë të parë
24.12.2020 - 23:23
Komuna e Prishtinës ka filluar procedurat për ndërtimin e Qendrës së Mjekësisë Familjare në lagjen ‘Veternik’.
Zyra e Prokurimit e Komunës ka shpallur tenderin për ndërtimin e kësaj Qendre.
Komuna ka ndarë 600 mijë për ndërtimin e kësaj QMF-je.
Kriter për dhënie të këtij tenderi do jetë operatori ekonomik që ofron çmimin më të ulët.
Ndërtimi i kësaj qendre të mjekësisë ka qenë pjesë e premtimeve të kryetarit Shpend Ahmeti.
Procedurat për ndërtimin e kësaj qendre për herë të parë kanë filluar në maj të këtij viti, por u anuluan për shkak që një dispozitë në Ligjin e prokurimit kërkoi anulimin e këtij aktiviteti sepse nuk kishte oferta të përgjegjshme.