Ilustrim
Policia jep detaje për shtëpinë e djegur në lagjen ‘Arbëria’ të Prishtinës
10.5.2020 - 18:39
Një shtëpi është përfshirë nga flakët rreth një orë më parë në Prishtinë.
Pamjet e dërguara në adresë të KALLXO.com nga një qytetar tregojnë flakën dhe tymin e madh që del nga shtëpia që po vazhdonte të digjej.
Zëdhënësi i Policisë, Daut Hoxha, tha për KALLXO.com se rasti ka ndodhur në rrugën ‘Ismet Krasniqi’ në lagjen ‘Arbëria’ të Prishtinës.
Sipas tij, zjarrfikësit kanë dalë në vendin e ngjarjes.
“Është pranuar një informacion për zjarr në Prishtinë edhe në lokacionin që ju potenconi. Policia ka reaguar dhe menjëherë janë informuar njësitë e zjarrfikësve, për reagim në fikjen e zjarrit. Pas raportimeve shtesë do të bëhen infromacionet e tjera”, ka thënë Hoxha.
Ende nuk dihet nëse ka persona të lënduar nga incidenti.