Ilustrim
Policia jep detaje për arrestimin e 54 vjeçarit që u kap me armë
11.2.2022 - 18:21
Policia e Kosovës ka bërë të ditur se ka arrestuar pasditen e sotme një person për armëmbajtje pa leje në Mitrovicë.
Sipas Policisë, personi me inicialet I. M. i moshës 54 vjeçare, shtetas i Republikës së Kosovës, është arrestuar i dyshuar për veprën penale, “Mbajtje në pronësi, kontroll, posedim i paautorizuar i armës ”
Arrestimi i të dyshuarit është realizuar në rrugën “Kuvendi i Lezhës” në Mitrovicë.
Pas kontrollit në veturën e të dyshuarit, sipas Policisë është gjetur një pistoletë të cilën e mbante pa leje.
Pas intervistimit, i dyshuari me urdhër të prokurorit të rastit është liruar në procedurë të rregullt.