Plagoset me thikë një person në kryeqytet
Një person është therur me thikë sonte rreh orës 21:30 në rrugën “Ilir Konushevci” në Prishtinë.
Rastin për KALLXO.com e ka konfirmuar zëdhënësja e Policisë së Kosovës, Flora Ahmeti.
Ahmeti ka thënë se therrja kishte ndodhur pas një përleshjeje fizike në mes të disa personave.
“Sot rreth orës 21 :30, kemi marrë informatën se në rrugën “Ilir Konushevci” në Prishtinë, ka ndodhur një përleshje fizike në mes të disa personave. Bazuar në të dhënat fillestare, në këtë rast nga arma e ftohtë thikë është plagosur një person. I njëjti është dërguar për trajtim mjekësor”, ka thënë ajo.
Zëdhënësja e Policisë ka shtuar se Policia e Kosovës është duke punuar në arrestimin e dy personave të dyshuar të cilët janë identifikuar të përfshirë në ngjarje dhe rasti është duke u hetuar.