Pamje skandaloze nga klinikat e QKUK-së

Kur ne sëmuremi vendi i parë që mendojmë se mund të gjejmë shërim janë spitalet e klinikat të cilat janë të hapura çdo herë për të pritur e përcjellë pacientë.

Por, sa mirëmbahen këto klinika?

KALLXO.com tre ditë më parë, më 12.07.2021, ka vizituar e fotografuar tualetet e infrastrukturën e Klinikave të Qendrës Klinike Universitare të Kosovës për të parë se si qëndrojnë këto klinika me pastërtinë dhe me infrastrukturën në përgjithësi.

Pastërtia lë shumë për të dëshiruar e poashtu edhe infrastruktura.

“Lani duart me ujë të rrjedhshëm dhe me sapun”, shkruan në një letër gjysmë të shqyer e cila është e vendosur në murin e tualetit në Klinikën Infektive apo klinikën për sëmundje ngjitëse në Qendrën Klinike Universitare të Kosovës.

Por, siç duket në tualetet e kësaj klinike “kanë harruar” të vendosin sapunë apo detergjent të lëngët dhe si pasojë e kësaj pacientët nuk arrijë të përmbushin kërkesën e stafit për pastrim të duarve.

FOTO: KALLXO.com
12.07.2021
Klinika Infektive

Mos furnizimi me sapunë e letra higjienike në këtë klinikë por edhe në klinika tjera në QKUK është “trend”, madje Infektiva do të mbahet mend se edhe në kohën kur vendi ballafaqohej me fluks të lartë të pacientëve me COVID-19 nuk ishte e furnizuar me sapunë e letra higjienike të domosdoshme për secilin tualet.

Një qese e zezë, një palë çizme së bashku me një palë dorëza të verdha zënë vend në tualetin e infektivës e poshtë lavamanit është e vendosur një kovë e kaltër e cila mbushet me ujë nga rrjedha e lavamanit.

Klinika Infektive udhëhiqet nga Arben Vishaj.

Klinika ORL dhe Klinika Oftalmologjike

Gjendje hiç më të mirë se në Klinikën Infektive është edhe në klinikën e ORL-së dhe Oftalmologjike në QKUK.

Plastika boshe të pafurnizuara me letra higjienike, mure të grisura e doreza të dyerve të thyera janë vetëm disa pamje të cilat të shoqërojnë në momentin që hynë në tualete të kësaj klinike, por më e shëmtuar është pjesa e tavanit i cili është “i zhveshur”

ORL udhëhiqet nga Hajdin Thaçi.

FOTO:KALLXO.com
12.07.2021
Klinika ORL

Mirëpo, shëmtia në këtë klinikë nuk përfundon këtu. Në korridor shumë lehtë bie në sy një shtrat gjysmë i grisur dhe pjesë të tjera të murit të vjetëruar e të grisur.

FOTO:KALLXO.com
12.07.2021
Klinika ORL

FOTO:KALLXO.com
12.07.2021
Klinika ORL

FOTO:KALLXO.com
12.07.2021
Klinika ORL

FOTO:KALLXO.com
12.07.2021
Klinika ORL

‘Ëndrra për një gjinekologji të pastër’

Pacientët në Gjinekologji të QKUK-së i shfrytëzojnë tualetet në gjendje të mjerueshme pasi që tualetet në këtë klinikë janë të stërvjetëruara, përveç kësaj këto klinika janë të papastërta.

Letrat higjienike dhe sapuni janë mungesë e theksuar në tualetet e Gjinekologjisë.

Muret në këtë klinikë janë të grisur e madje në pjesën e tavanit shihen dy pjesë të pllakave të larguara.

Gjinekologjia udhëhiqet nga Jakup Ismajli.

FOTO:KALLXO.com
12.07.2021
Klinika Gjinekologjike

KALLXO.com ka vizituar këto klinika dhe ka parë për së afërmi gjendjen në të cilën trajtohen pacientët dhe punojnë stafi shëndetësorë, për disa nga klinikat KALLXO.com pati raportuar edhe më parë.

Më poshtë mund të shihni edhe pamje tjera të klinikave:

FOTO:KALLXO.com
12.07.2021
Klinika e Kirurgjisë