Osmani uron mbretin Charles III: Kosova pret që raportet me Britaninë të përforcohen
Presidentja e Kosovës, Vjosa Osmani ka uruar Mbretin Charles III për ngritjen në fronin e Mbretërisë së Bashkuar.
Me ardhjen e tij në pushtet, Osmani ka thënë se Kosova pret që të forcojë marrëdhëniet me Britaninë e Madhe.
Ajo ka shtuar se beson që lidhjet mes dy vendeve, do të vazhdojnë të forcohen nën sundimin e tij.
“Urime të përzemërta për Mbretin Charles III për ngjitjen në fron. Ne jemi mirënjohës për përkushtimin e Madhërisë së tij ndaj aleancës Kosovë-Mbretëri e Bashkuar, siç u konfirmua gjatë vizitës së tij në vitin 2016. Ne kemi besim se lidhjet tona do të vazhdojnë të forcohen nën sundimin e tij”- ka shkruar Osmani në rrjetin social twitter.
Mbretëresha britanike ka vdekur më 8 shtator në moshën 96-vjeçare.
Ajo ka mbajtur fronin në Mbretëri të Bashkuar për 70 vjet, duke u bërë monarkja më jetëgjatë në këtë shtet.
Charles III është bërë mbret në momentin që i ka vdekur nëna, mirëpo sipas traditave, Këshilli i Aderimit është mbledhur të shtunën dhe e ka zyrtarizuar pozitën e tij.
Heartfelt congratulations to King Charles III on ascending to the throne.
We are grateful for His Majesty’s commitment to the Kosovo-United Kingdom alliance, as affirmed during his visit in 2016. We are confident that our ties will continue to strengthen under his reign. 🇽🇰🇬🇧 pic.twitter.com/x0nWpjC9i2
— Vjosa Osmani (@VjosaOsmaniPRKS) September 10, 2022