Një vajzë nga Peja bie në lumë, dërgohet në spital
17.5.2022 - 13:17
Një vajzë nga Peja është dërguar për tretman mjekësor në Spitalin Rajonal të Pejës pasi ajo ka rënë në lumin e këtij qyteti.
Lajmin për KALLXO.com e ka konfirmuar zëdhënësi i Policisë së Kosovës për rajonin e Pejës, Driton Rugova.
Rugova ka thënë se gjendja e vajzës është jashtë rrezikut për jetë.
Tutje ai ka treguar se vajza është nxjerrë nga lumi nga qytetarët.
“Rreth orës 11:15, Policia është njoftuar se tek ish-tregu i gjelbër një vajzë ka rënë në lum. Personi në fjalë është nxjerrë nga qytetarët dhe është dërguar në Spitalin e Pejës, por është jashtë rrezikut për jetën”, ka thënë Rugova.
Ai ka treguar se njësitet policore janë duke u marr me rastin dhe se ata ndodhin në vendin e ngjarjes për të kuptuar se si ka ndodhur rasti.