Ministri Krasniqi për procesin e votimeve në komunat veriore: Serbia urdhëroi bojkotin
Ministri i Administrimit të Pushtetit Lokal, Elbert Krasniqi ka reaguar pas përfundimit të procesit të votimit për apo kundër largimit nga funksioni i kryetarëve të komunave Mitrovicë e Veriut, Leposaviq, Zubin Potok e Zveçan.
Krasniqi thotë se u ofruar infrastruktura dhe mundësia që qytetarët të shprehin vullnetin e tyre demokratik.
“Lista Serbe dhe Beogradi në anën tjetër urdhëruan edhe një herë bojkot të procesit të votimit në katër komunat veriore, pavarësisht thirrjes nga ndërkombëtarët për të mos e bërë atë”- shkroi Krasniqi në platformën “X”.
Krasniqi kërkoi nga Bashkimi Europian të largojë “masat e padrejta” kundër Kosovës.
Tutje ai shtoi se Kosova ka përmbushur pjesën e saj të marrëveshjes së Bratislavës.
Komisioni Qendror i Zgjedhjeve ka konstatuar se iniciativa për largimin e kryetarëve të komunave ka dështuar.
We provided the infrastructure & opportunity for citizens to express their democratic will. Serbian List & Belgrade on the other hand ordered once again the boycott of the voting process in the 4 northern municipalities – despite the calls not to do so by the int. community.
— elbertkrasniqi (@elbertkrasniqi) April 21, 2024
Lajm në zhvillim – Votimi pro/kundër për shkarkimin e kryetarëve të komunave në veri