Mbi 1500 qytetarë votuan në zgjedhjet për kryetarë të komunave në veri

Mbi 1 mijë e 500 qytetarë kanë shfrytëzuar të drejtën e tyre për të votuar sot në katër komunat në veri të Kosovës.

Komisioni Qendror i Zgjedhjeve bëri të ditur se procesi është zhvilluar pa asnjë incident dhe se të gjitha vendvotimet janë mbyllur.

Kryetari i KQZ-së, Kreshnik Radoniqi tha se në ora 20:00 do të shpallin rezultatet e zgjedhjeve në Leposaviq, Zubin Potok, Zveçan dhe në Mitrovicë të Veriut.

Ndërsa sipas komunave në Leposaviq kanë votuar 141 votues, në Zubin Potok 385 votues, në Zveçan 204 votues dhe në Mitrovicë të Veriut 837 votues.

Mbyllen qendrat e votimit në katër komunat veriore