Maqedonci rendit prioritetet e Ministrisë së Mbrojtjes për vitin 2024

Ministri i Mbrojtjes Ejup Maqedonci ka renditur prioritet e Ministrisë së Mbrojtjes për vitin 2024 ku përfshihet infrastruktura, blerjet strategjike e kapacitetet e inteligjencës.

Përmes një postimi në rrjetin Facebook, Maqedonci thekson ristrukturimin e Ministrisë së Mbrojtjes e investimin në armatim modern.

“Prioritet e Ministrisë së Mbrojtjes për vitin 2024, zhvillimi i burimeve njerëzore, logjistike, infrastrukturore, kapaciteteve të inteligjencës dhe vazhdimi i blerjeve strategjike sipas konceptit shtet me shtet dhe shtet me prodhues”- shkroi Maqedonci.

Më poshtë gjeni prioritetet e renditura nga Ministri, Ejup Maqedonci:

-Ristrukturimi i Ministrisë së Mbrojtjes

-Pas miratimit të ligjit për agjencinë për inteligjencë dhe siguri të mbrojtjes, hartimi i akteve nënligjore dhe dokumenteve tjera përcjellëse për funksionalizmin e Agjencisë.

-Hartimi i Ligjit për Komponentin Rezervë bazuar në Draft Koncept Dokumentin për Komponentin Rezervë të Forcës së Sigurisë së Kosovës.

-Investimi në sisteme modern të armatimit

-Hartimi i strategjisë për Zhvillimin e Industrisë së Mbrojtjes së Kosovës

-Zhvillimi i kapaciteteve të mirëmbajtjes

-Zgjerimi i infrastrukturës

-Krijimi i qendrës shtetërore trajnuese për siguri kibernetike.