Lufta në Ukrainë, SHBA dhe Gjermania pritet ta bëjnë publike marrëveshjen e tankeve
Shtetet e Bashkuara duket se janë të gatshme ta fillojnë një proces që përfundimisht do t’i dërgonte dhjetëra tanke të saj luftarake M1 Abrams në Ukrainë, raportuan mediat amerikane, në një ndryshim që mund të ketë implikime të rëndësishme për përpjekjet e Kievit për t’i zmbrapsur forcat ruse.
Ky vendim vjen pas raporteve të së martës se Berlini i është dorëzuar presionit të madh ndërkombëtar dhe të brendshëm dhe ishte vendosur të ta bëntë publik lajmin se do të dërgonte tanke të prodhimit gjerman në Ukrainë dhe do t’i lejonte vendet e tjera të bëjnë të njëjtën gjë.
Vendimi pritet të zyrtarizohet të mërkurën dhe kancelari i Gjermanisë, Olaf Scholz, do të merret në pyetje në Bundestag në mëngjes në një debat që ka të ngjarë të dominohet nga vendimi mbi dërgimin e tankeve.
Pas takimit me ministrin gjerman të mbrojtjes, sekretari i përgjithshëm i NATO-s, Jens Stoltenberg, deklaroi se ka besim se aleanca do t’a gjejë një zgjidhje së shpejti. “Në këtë moment të rëndësishëm të luftës, ne duhet t’i ofrojmë Ukrainës sisteme më të rënda dhe më të avancuara dhe duhet ta bëjmë një gjë të tillë sa më shpejt”, tha Stoltenberg.
Presidenti i Ukrainës Volodymyr Zelenskiy deklaroi të martën se Kievit i duhen aleatë për të vendosur nëse do të dorëzonin tanke moderne për ta forcuar mbrojtjen e tij kundër Rusisë. Zelenskiy tha se çështja nuk ka të bëjë me rreth pesë, 10 apo 15 tanke, pasi nevojat e Ukrainës janë më të mëdha, por për marrjen e vendimeve përfundimtare për dërgesat reale. “Kur të merren vendimet e nevojshme me peshë, ne do të jemi të lumtur t’ju falënderojmë për çdo vendim të rëndësishëm,” tha Zelenskiy.
Në Ukrainë, pesëmbëdhjetë zyrtarë të lartë i kanë lënë postet e tyre që nga e shtuna, gjashtë prej të cilëve kanë pasur akuza për korrupsion nga gazetarët dhe autoritetet anti-korrupsion në Ukrainë.
Buletini i Shkencëtarëve Atomik ka përcaktuar Orën e tij të Ditës së Kijametit, që ka si qëllim t’i ilustrojë rreziqet ekzistenciale për botën, në 90 sekonda deri në mesnatë, më afër mesnatës që ora ka qenë ndonjëherë që kur u prezantua për herë të parë në vitin 1947. Ata thanë se është “kryesisht “për shkak të pushtimit rus të Ukrainës.
Ukraina ka rezerva të mjaftueshme të qymyrit dhe gazit për muajt e mbetur të dimrit, pavarësisht sulmeve të përsëritura ruse në sistemin e saj energjetik, ka deklaruar kryeministri Denys Shmyhal.
Ministri i Jashtëm i Finlandës Pekka Haavisto ka sinjalizuar një pauzë të mundshme në diskutimet me Turqinë mbi ambiciet finlandeze për t’u bashkuar me NATO-n së bashku me Suedinë, gjë që ai thotë se është për shkak të presionit të zgjedhjeve të ardhshme të Turqisë.
Mbështetësit e liderit të burgosur të opozitës ruse Alexei Navalny u mblodhën për një protestë në Berlin të martën për shkak të kushteve të burgut në Rusi ku ai po mbahet.
Rusia nuk planifikon ta rindërtojë fabrikën e çelikut Azovstal në Mariupol, e cila ishte lokacioni i bombardimeve të rënda në javët e para të pushtimit rus të Ukrainës vitin e kaluar.
Zyrtarët rusë të futbollit u takuan me homologët e tyre në UEFA të martën, ndërkohë që u përpoqën të negocionin kthimin e Rusisë në futbollin ndërkombëtar në Evropë. Rusisë i është ndaluar pjesëmarrja në garat e UEFA dhe FIFA që nga pushtimi i Ukrainës./The Guardian
