Lajçak në Paris merr mbështetjen e Francës për dialogun Kosovë-Serbi
Vizitën e parë në vitin 2024 i deleguari i posaçëm i Bashkimit Europian për dialogun Kosovë-Serbi, Mirosllav Lajçak, e ka bërë në kryeqytetin francez, Paris.
Ai është pritur në Ministrinë e Punëve të Jashtme dhe në Presidencën e Francës.
Lajçak ka falënderuar Francën për mbështetjen e fortë për dialogun mes Kosovës dhe Serbisë, i ndërmjetësuar dhe lehtësuar nga Bashkimi Europian.
“Sapo përfundova vizitën time të parë të vitit 2024, e cila më çoi në Paris. Pata takime shumë të dobishme dhe të rëndësishme në Ministrinë për Europë dhe Punët e Jashtme dhe në rezidencën zyrtare të Presidentit të Republikës Franceze për t’u përgatitur për muajt në vazhdim. Falënderues për mbështetjen e fortë të Francës për dialogun e lehtësuar nga Bashkimi Europian dhe për punën time” – ka shkruar Lajçak në rrjetin social X (ish-Twitter).
Just wrapped up my first visit of 2024, which took me to Paris 🇫🇷. Had very useful and important meetings at the Quai d’Orsay and the Élysée to prepare for the months ahead. Grateful for the strong French support to the 🇪🇺-facilitated Dialogue and my work. pic.twitter.com/duZWjWbnfP
— Miroslav Lajčák (@MiroslavLajcak) January 9, 2024
Kryeministri i Kosovës, Albin Kurti ka qenë kritik disa herë ndaj punës së Lajçak, duke e akuzuar madje për koordinim me presidentin serb, Aleksandar Vuçiq.
