Këto janë rezultatet preliminare nga 99% të votave të numëruara
15.2.2021 - 09:59
Zëdhënësi i KQZ-së Valmir Elezi, ka njoftuar se numërimi i fletëvotimeve në vendvotime ka përfunduar të dielën në mbrëmje.
Sipas Elezit kanë mbetur pa u procesuar në web faqe vetëm 46 vendvotime.
“Deri më tani në ueb faqe janë transmetuar rezultatet nga 2336 vendvotime apo rreth 99%. Kanë mbetur pa u procesuar vetëm 46 vendvotime të dhënat e të cilave do të ngarkohen gjatë ditës”, tha Elezi.
Deri më tani sipas rezultateve preliminare, Lëvizja Vetëvendosje figuron me 48.17 për qind, Partia Demokratike me 17.35 për qind, Lidhja Demokratike e Kosovës 13.18 për qind, Aleanca për Ardhmërinë e Kosovës me 7.42 për qind, Nisma Socialdemokrate 2.59 për qind.
Rezultatet preliminare në kohë reale mund t`i ndiqni duke klikuar në LINK
