Kongresisti amerikan: Kosova është demokracia më e fortë në Ballkanin Perëndimor

Kongresisti amerikan, Ritchie Torres ka reaguar lidhur me zhvillimet e fundit pas kidnapimit të tre policëve në veri, duke vlerësuar Kosovë si demokracia më e fortë në Ballkanin Perëndimor.

“Kosova është demokracia më e fortë në Ballkanin Perëndimor. Ajo është dhe ka qenë gjithmonë një aleat i palëkundur i Shteteve të Bashkuara, duke marrë refugjatë afganë kur pak vende do ta bënin këtë”- deklaroi ai në Twitter.

Sipas tij, Departamenti Amerikan i Shtetit duhet të qëndrojë përkrah demokracive si Kosova.

Kosovo is the strongest democracy in the Western Balkans.

It is and has always been an unwavering ally of the United States, taking in Afghan refugees when few countries would.

The US State Department must stand with democracies like Kosovo. 🇽🇰 pic.twitter.com/UW7XblIfab

— Ritchie Torres (@RitchieTorres) June 14, 2023

Policia e Kosovës njoftoi se të mërkurën në mesditë tre zyrtarë policorë kufitarë u kidnapuan nga forcat serbe në veri.

Që nga mesdita e 26 majit serbët lokalë të komunave veriore të Zubin Potokut, Zveçanit dhe Leposaviqit janë grumbulluar dhe kanë protestuar duke kundërshtuar vendosjen e katër kryetarëve të rinj në objektet komunale.

SHBA-të dhe BE vazhdimisht kanë kërkuar shtendosje të situatës në veri të Kosovës. Pas tensioneve në veri, SHBA ka përjashtuar ushtrinë e Kosovës nga ushtrimi Defender 23.

Sot BE-ja ka vendosur “masa kufizuese” ndaj Kosovës por që nuk i ka quajtur sanksione.