Komuna e Fushë Kosovës dhe Ministria e Financave me më sa paku investime kapitale të realizuara në vitin 2022

Sipas një raporti të Institutit GAP, Komuna e Fushë Kosovës dhe Ministria e Financave, Punës dhe Transfereve janë renditur ndër institucionet që kanë realizuar më së paku investime kapitale në vitin 2022.

Në hartën e komunave të Kosovës, Komuna e Fushë Kosovës ka realizuar 26% të investimeve kapitale, më së paku ndër komunat. Ndërsa Ministria e Financave, Punës dhe Transfereve në listën e ministrive është renditur si ministria që ka realizuar më së paku investime kapitale, saktësisht vetëm 2%.

Komuna e Malishevës dhe ajo e Ferizajt janë dy komunat që kanë realizuar 100% të investimeve kapitale sipas Institutit GAP. Ndërsa në listën e ministrive, Ministria për Komunitete dhe Kthim renditet në krye të ministrive, me 98% të investimeve kapitale të realizuara në vitin 2022.

Analisti i politikave në Institutin GAP, Agron Demi, ka vlerësuar sukses realizimin e investimeve në shkallën e 60 për qind duke parë mungesën e bordit të OSHP-së dhe inflacionin e lartë.

“Duke marr parasysh që viti 2022 ishte vit me inflacion të lartë e me OSHP jo funksionale, realizimi i investimeve në shkallën 60% mund të konsiderohet sukses. Por, ata që kanë performu më së dobëti, Ministria e Financave dhe Komuna e Prishtinës, kanë qenë zhurmagjinjtë më të mëdhenjë. Të tjerët/at që kanë punu, nuk kanë pasë kohë me u gjujtë me statusa në facebook” – kashkruar Demi në Facebook.