Kamenicë, raportohet për dhunë në familje, 62-vjeçarit i gjenden dy armë dhe 184 fishekë

Policia e Kamenicës i është përgjigjur sot një rasti të raportuar për dhunë në familje në fshatin Koretin.

Pasi e kanë lokalizuar dhe arrestuar të dyshuarin, gjatë hetimit të rastit dhe mbledhjes së provave, hetuesit policorë gjatë kontrollit të shtëpisë dhe objekteve përcjellëse të të dyshuarit ka gjetur dhe konfiskuar te ky i fundit armë e municione.

“Një (1) pushkë automatike e llojit AK 47, dy (2) karikator të pushkës automatike, njëqind e pesëdhjetë e tre (153) fishekë të kalibrit 7.62×39 mm, një (1) pistoletë të llojit M57 e kalibrit 7.62, dy (2) karikator të pistoletës dhe tredhjet e një (31) fishekë të kalibrit 7.62 mm”- janë konfiskuar sipas Policisë në shtëpinë e R.A. (viti i lindjes 1961).

Pas intervistimit nga prokurori i shtetit I dyshuari është dërguar në ndalim policor prej 48 orësh dhe ndaj tij do të ushtrohet kallëzim penal për dhunë në familje dhe për armëmbajtje pa leje.