Gjendet i varur në objektin e biznesit familjar një person në Malishevë
02.11.2023 - 16:54
Policia e Kosovës ka njoftuar se një person i moshës madhore është gjetur i varur në objektin e biznesit familjar.
Ngjarja ka ndodhur sot rreth orës 15:20 në fshatin Mleqan-Malishevë.
Lajmi është konfirmuar edhe nga zëdhënësi i Policisë në rajonin e Gjakovës, Sheremet Elezaj.
Elezaj ka thënë se njësitet e nevojshme policore kanë dalë në vendin e ngjarjes si dhe ekipi mjekësor të cilët kanë konstatuar vdekjen e viktimës.
Po ashtu është thënë se lidhur me rastin është njoftuar edhe prokurori i shtetit në koordinim me të cilit janë duke u ndërmarrë të gjitha veprime e nevojshme hetimore.