Forcat e rendit ndalojnë dy serbë në Leposaviq, kaluan ilegalisht kufirin

Dy persona janë ndaluar në fshatin Koshuticë të Leposaviqit pasi dyshohet se kaluan ilegalisht kufirin.

Sipas forcave të rendit, për rastin është njoftuar edhe Prokurori i Shtetit.

“Njësitë policore kanë ndaluar një veturë me targa të huaja me drejtues të dyshuarin mashkull serb, në veturë ka qenë edhe një pasagjer, i dyshuari i dytë mashkull serb” – thuhet në njoftim.

“Dyshohet se vetura është futur në territorin e Republikës së Kosovës duke iu shmangur pikë të kalimeve të rregullta kufitare. Është konsultuar prokurori i shtetit i cili ka rekomanduar që ndaj të dyshuarve të iniciohet rasti ‘kalim i paautorizuar i kufirit’ dhe rasti të procedohet në procedurë të rregullt” – thuhet në fund të njoftimit.