Ferizaj, Policia gjen armë dhe 14 qese me marihuanë në një shtëpi të braktisur

Policia ka njoftuar të premten, më 26.09.2025, rreth orës 15:30, në një shtëpi të braktisur në rrugën “Behxhet Sojeva” në Ferizaj ka gjetur armë dhe substancë narkotike.

Gjatë kontrollit në këtë shtëpi, sipas Policisë, janë sekuestruar: një pistoletë, një thikë dhe 14 qese të vogla me substancë të dyshuar narkotike të llojit marihuanë.

“Në vendngjarje kanë dalë njësia e krimteknikës dhe ajo e narkotikëve, të cilat kanë ndërmarrë veprimet e nevojshme policore, ndërsa është njoftuar edhe prokurori i shtetit”- thuhet në njoftim.