Dy kamionët që i dërgoi në riparim, pronari raporton se iu ‘zhdukën’
21.12.2021 - 11:13
Një person ka raportuar në Polici se dy kamionët që i kishte dërguar për riparim, nuk i gjeti aty kur shkoi për t’i marrë.
Rasti raportohet të ketë ndodhur në Pejë.
Sipas ankuesit, ai vitin e kaluar i kishte dërguar dy kamionë për riparim tek një punëtori, por pasi shkoi që t’i marrë kuptoi se nuk ishin aty.
Sipas Policisë, qytetari dyshon se pronari i punëtorisë, i ka tjetërsuar të dy kamionët.
Rasti është në procedurë hetimore.