Donatori mund të dhurojë qeliza vetëm për një çift
Në emisionin “Kallxo Përnime” po diskutohet rreth Projektligjit për shëndet riprodhues dhe fertilizim të asistuar mjekësor, i cili synon të garantojë të drejtën riprodhuese të individit kur nuk arrihet shtatzëni e dëshiruar me rrugë natyrore.
Merita Vuthaj, e cila është kryesuese e grupit për hartimin e këtij Ligji në kuadër të Ministrisë së Shëndetësisë, ka thënë se me këtë Ligj përcaktohet që një donator do të dhurojë qeliza vetëm për një çift e jo për më shumë.
“Do të bëhet regjistri për fertilizim që bazën do ta ketë në Ministrinë e Shëndetësisë, në bazë të të cilit donatori do të marrë pëlqimin për këtë proces, pasi që një donator mund të dhurojë qeliza vetëm për një çift deri në 3 herë për të njëjtin çift” – ka thënë Vuthaj.
Ndryshe, ky Projektligj gjatë javës së kaluar ka ngjallur debat mes deputetëve në Kuvend.