Detajet e Prokurorisë, si e goditi gruan me grushte i dyshuari në Prizren

Gjykata  e Prizrenit ka caktuar masën e paraburgimit prej një muaji për të pandehurin S.Sh., nga fshati Piranë i Komunës së Prizrenit nën dyshimet për sulm ndaj gruas së tij.

Sipas njoftimit i dyshuari në ditën kritike pas një mosmarrëveshje të vazhdueshme me gruan e tij, nën ndikimin e alkoolit e kishte sulmuar fizikisht atë duke e goditur me grushte në pjesë të ndryshme të trupit.

Në bazë të raportit mjekësor i cili ka konstatuar lëndimet trupore, Gjykata ka bërë të ditur se janë plotësuar kushtet ligjore për caktimin e paraburgimit.

Sipas Gjykatës masa e paraburgimit për të dyshuarin do të  llogaritet prej datës 8 shtator nga ora 19:00 minuta dhe do të zgjasë deri më datën 7 tetor.