Detaje rreth plagosjes me armë në Leposaviq, viktima nuk pranoi të trajtohej në veri, u dërgua në Spitalin në jug të Mitrovicës

Në orët e para të mëngjesit të ditës së sotme një qytetar në Leposaviq mbeti i plagosur.

Viktima V.Gj. u plagos me armë zjarri në këmbë, përderisa sulmi ndaj tij dyshohet se u krye nga dy persona.

Burime të KALLXO.com bëjnë me dije se dy personat që dyshohet se kanë kryer aktin kanë biseduar paraprakisht me viktimën e më pas e kanë plagosur.

Tutje burimet kanë treguar se viktima nuk ka pranuar që të marrë tretman mjekësor në spitalin e veriut, e më pas është dërguar në spitalin në jug të Mitrovicës.

Rasti është raportuar në Policinë e Kosovës, përderisa deri më tani nuk ka ndonjë të arrestuar.

Plagoset një person në Leposaviq, rasti raportohet në Polici