Coronavirusi: Kryeministri Trudeau ‘izolon’ gjithë vendin

Njerëzit që nuk janë qytetarë kanadezë ose banorë të përhershëm nuk do të lejohen të hyjnë në vend, ka njoftuar kryeministri Justin Trudeau, në masën e fundit për të luftuar përhapjen e koronavirusit covid-19.

Kufizimet do të hyjnë në fuqi të mërkurën, me linjat ajrore të kërkuara për t’i ndaluar njerëzit të fluturojnë nëse tregojnë simptoma.

“Nëse jeni jashtë vendit, është koha që të ktheheni në shtëpi,” njoftoi Trudeau të hënën nga vendbanimi i tij në Otava, ku ai është në izolim pasi gruaja e tij testoi pozitive për virusin.

Ai shtoi se kanadezët duhet të shmangin të gjitha udhëtimet jo thelbësore deri në njoftimin e mëtejshëm.

Për më tepër, vetëm aeroportet Calgary, Montreal, Toronto dhe Vancouver do të lejohen të pranojnë fluturime ndërkombëtare. Ekuipazhet e fluturimit, diplomatët, familja e afërt e qytetarëve kanadezë dhe qytetarët amerikanë do të lirohen nga bllokimi.

Aktualisht në Kanada janë 375 raste të prekura nga coronavirusi, një ka vdekur dhe një është në gjendje kritike.