Arrestohet i dyshuari që ishte në kërkim për pesë vepra penale
Policia në Pejë mëngjesin e sotëm ka njoftuar se i dyshuari i cili ishte në kërkim është arrestuar gjatë ditës së djeshme.
“Policia e Kosovës falë bashkëpunimit me qytetarë pas publikimit të fotos së personit të kërkuar, ka arritur të siguroj informacion lidhur me vendndodhjen e të kërkuarit dhe gjatë ditës së djeshme është bërë arrestimi i tij nga njësitet policore në Pejë”, thuhet në njftomin e policis.
Fisnik Lajqi ishte në kërkim nga ana e policisë për një rast të lëndimit trupor, dy raste për përdorim të armës, dhe dy raste të tjera për lëndim të lehtë trupor dhe përdorim i armës.
Policia ka bërë të ditur se i dyshuari Fisnik Lajqi është dërguar ne vuajtje dënimi prej 39 muajve në Qendrën Korrektuese Dubravë.
“Rritja e besimit në Policinë e Kosovës, rritja e bashkëpunimit të qytetarëve me Policinë e tyre do të qojë në përforcimin e mëtejshëm të Policisë dhe në të njëjtën kohë edhe në rritjen e efikasitetit dhe suksesit në punët policore. Për suksese në parandalimin e krimeve, qytetarët nuk duhet hezituar, duhet të kthehen në Polici pa uniforma dhe vetëm me bashkëpunimin e tyre si në të gjitha vendet e qytetëruara, do të arrijmë të jetojmë në një vend më të sigurt”, njofton policia.
