Foto: Ilustrim
Arrestohet 45-vjeçari, dyshohet për keqpërdorim të fëmijëve në pornografi
20.10.2021 - 19:48
Policia e Kosovës ka arrestuar një person për të cilin dyshohej se kishte konsumuar veprën penale keqpërdorim i fëmijëve në pornografi.
I dyshuari është I.G., 45-vjeçar. është intervistuar në cilësi të të dyshuarit.
Personi i arrestuar dyshohet se ka poseduar materiale (foto dhe video) me përmbajtje abuzuese seksuale me fëmijë.
Këto materiale, duke përdorur aplikacione për komunikim online, i ka shkarkuar dhe i ka shpërndarë edhe me persona tjerë.
Në cilësi të provave janë sekuestruar një telefon celular dhe një laptop.
Me aktvendim të prokurorit, i dyshuari dërgohet në mbajtje deri në 48 orë.