Apostolova: Veprimet politike të jenë në përputhje me Kushtetutën
Shefja e Zyrës së Bashkimit Evropian në Kosovë, Natalyia Apostolova ka deklaruar se pozicioni i BE-së është se të gjitha veprimet politike duhet të jenë në përputhje me Kushtetutën e Kosovës.
Këtë deklaratë ajo e ka dhënë pas takimeve të djeshme me kryeministrin në detyrë Albin Kurtin dhe presidentin Hashim Thaçi.
“Në lidhje me takimet e mia me udhëheqësit e Kosovës, unë theksoj se takoj të gjitha partitë politike dhe liderët si pjesë e mandatit tim diplomatik. Takimi i tyre nuk do të thotë domosdoshmërisht të mbështesë pozicionin e tyre”, ka shkruar Apostolova në Twitter.
Pas zhvillimeve politike, vendet e Quintit dje kanë zhvilluar takime me kryeministrin në detyrë dhe presidentin.
Ky i fundit i ka dhënë mandatin LDK-së për ta formuar qeverinë, përderisa Lëvizja Vetëvendosje kanë thënë se do ta dërgojnë në Kushtetuese Thaçin për këtë vendim.
In relation to my meetings w/ Kosovo leaders, I stress that I meet all political parties & leaders as part of my diplomatic mandate. Meeting them doesn’t necessarily mean endorsing their position. EU position is that all political actions should be in line w/ Kosovo Constitution. pic.twitter.com/Lfy02jgJ0v
— Nataliya Apostolova (@ApostolovaEU) April 24, 2020