Jorn Rohde - Foto: Fatrion Ibrahimi/Kallxo.com
Ambasadori Rohde: Dhuna kundër EULEX-it dhe ofruesve të tjerë të sigurisë duhet të ndalet
Ambasadori i Gjermanisë në Kosovë, Jorn Rohde, ka reaguar ndaj sulmit që iu është bërë një patrollës së EULEX-it me shok-bombë mbrëmjen e kaluar në veri të Kosovës.
Rohde tha se dhuna kundër EULEX-it dhe ofruesve të tjerë të sigurisë duhet të ndalet tani.
“EULEX-i kontribuon në ofrimin sigurisë për të gjithë qytetarët. Dhuna kundër EULEX-it dhe ofruesve të tjerë të sigurisë duhet të ndalet tani” – tha ai.
#EULEX contributes to providing safety and security to all citizens. Violence against EULEX and other security providers needs to stop now. https://t.co/zJ15eNR2Xm
— Ambassador Jörn Rohde (@GermanAmbKOS) December 11, 2022
Misioni i Bashkimit Evropian për Sundim të Ligjit në Kosovë ka dënuar sulmin ndërsa konfirmoi se nga sulmi nuk ka pasur të lënduar.
“Konfirmojmë se një bombë çorientuese (shok-bombë) është hedhur ndaj një patrulle vëzhguese të EULEX-it mbrëmjen e kaluar (10.12) në afërsi të Rudares. Asnjë zyrtar i Njësisë Policore të Specializuar të EULEX-it nuk është lënduar dhe nuk janë shkaktuar dëme materiale” – thuhet në njoftim.
Prej ditësh, në veri të vendit është tensionuar situata. Së fundmi, disa barrikada janë vendosur në rrugët që çojnë në pikë-kalimet kufitare, Bërnjak dhe Jarinjë.
