Ambasada amerikane kërkon nga Serbia të zbardhet vrasja e vëllezërve Bytyqi
Ambasada e Shteteve të Bashkuara të Amerikës në Beograd ka lëshuar një deklaratë në 23-vjetorin e vrasjes së vëllezërve Ylli, Agron dhe Mehmet Bytyqi.
Ambasada amerikane i ka bërë thirrje Serbisë që të mbajë përgjegjësi për ata që kanë kryer këto vrasje.
“Sot bëhen 23 vjet që kur tre shtetas amerikanë, vëllezërit Bytyqi, u ekzekutuan në paraburgim nga policia speciale serbe. Ne nuk do ta harrojmë këtë krim dhe i bëjmë thirrje Serbisë edhe një herë që të mbajë përgjegjësi për ata që kanë kryer dhe kanë mbuluar këto vrasje”, thuhet në reagimin e Ambasadës.
Në mesin e mijëra personave të vrarë gjatë luftës në Kosovë janë edhe vëllezërit Bytyqi, tre shqiptarë nga Prizreni me shtetësi amerikane të cilët u vranë në korrik të vitit 1999 në Serbi.
Ndonëse kanë kaluar më shumë se 20 vjet nga vrasja e vëllezërve Bytyqi, deri sot nuk ka asnjë të dënuar për këtë krim.
Përpos institucioneve të Kosovës, kjo vrasje ka qenë pikë presioni e ShBA-së ndaj Serbisë, pasi Amerika kërkon me ngulm që të ketë epilog lidhur me vrasjen e shtetasve të tyre.
Today marks 23 years since three U.S. citizens, Bytyqi brothers, were executed while in the custody of Serbian special police. We will not forget this crime and once again call on Serbia to hold accountable those who committed and covered up these murders. https://t.co/h6xmvN7izW
— Američka ambasada (@USEmbassySerbia) July 8, 2022