Aksident në rrugën Prishtinë-Ferizaj, vdes një grua
18.7.2021 - 13:03
Një aksident trafiku, të cilin Policia po e cilëson vetaksident, ka përfunduar me fatalitet sot në mëngjes.
Aksidenti ka ndodhur në rrugën Prishtinë-Ferizaj.
Një grua ka vdekur, ndërsa një person tjetër ka pësuar lëndime.
Kështu ka konfirmuar për KALLXO.com zëdhënësi i Policisë së Kosovës për rajonin e Prishtinë, Agron Borovci.
“Rreth orës 04:30, në rrugën Prishtinë-Ferizaj, ka ndodhur një vetaksident komunikacioni rrugor. Si pasojë e këtij vetaksidenti një person (femër) ka humbur jetën ndërsa një tjetër ka pësuar lëndime trupore dhe e njëjta është dërguar për trajtimin e nevojshëm mjekësor.”, ka thënë ai.
Sipas Borovcit, Policia ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti.