Policia me detaje për vetaksidentin me fatalitet në Pejë
Një person ka vdekur si pasojë e një aksidenti që është regjistruar në orët e mbrëmjes së datës 08.03.2024.
Policia ka njoftuar se ngjarja u regjistrua në fshatin Poqestë të Pejës.
Sipas policisë, drejtuesi i automjetit derisa ishte duke drejtuar veturën, dyshohet se nga pakujdesia ka shkaktuar vet-aksidentin duke humbur kontrollin mbi veturë.
Fillimisht sipas policisë, i njëjti kishte goditur një shtyllë betoni elektrike dhe ka përfunduar jashtë rrugës në disa shkurre.
Si pasojë, drejtuesi ka pësuar lëndime të rënda-vdekjeprurëse dhe pasi është dërguar në spitalin rajonal në Pejë, ekipi mjekësor ka konstatuar vdekjen e tij.
Me urdhër të prokurorit, trupi i pajetë është dërguar në IML për obduksion. Rasti është duke u hetuar nga njësitet kompetente.
Pejë, një i vdekur në një aksident trafiku