Aksident mes tri automjeteve në rrugën Prishtinë-Pejë, dy persona të lënduar
16.1.2023 - 18:15
Dy persona kanë kërkuar ndihmë mjekësore si pasojë e një aksidenti mes tri automjeteve që ka ndodhur në Kijevë, në magjistralen Prishtinë-Pejë.
Rastin për KALLXO.com e ka konfirmuar zëdhënësi i Policisë për rajonin e Gjakovës, Sheremet Elezaj.
“Rreth orës 16:10, në fshatin Kijevë ka ndodhur aksident trafiku mes tri automjeteve. Përveç dëmeve të konsiderueshme materiale, deri më tani dy persona kanë kërkuar ndihmë mjekësore. Njësia Rajonale e Komunikacionit Rrugor është duke e trajtuar rastin”- ka thënë ai për KALLXO.com.
KALLXO.com ka siguruar pamje nga vendi i ngjarjes.
