52 plumba shkrepen në drejtim të spitalit "ONIX" në Banjë të Istogut
25.5.2020 - 14:07
52 plumba janë shkrepur dje pas orës 02:00 të mesnatës në Banjë të Istogut.
Rasti dyshohet të këtë ndodhur në objektet përcjellëse të Spitalit Special për Terapi Fizikale me Rehabilitim ONIX.
Lajmin për KALLXO.com e ka konfirmuar prokurorja e rastit, Lumturije Vuçetaj, e cila tha se Policia ka arritur të mbledhë 52 gëzhoja.
“Rasti është duke u hetuar, janë ndërmarrë veprime për identifikimin e të dyshuarit”, tha ajo.
KALLXO.com merr vesh se plumbat janë shkrepur në drejtim të gjeneratorit dhe antenës telefonike.
Sipas prokurores kjo është hera dytë që është gjuajtur në drejtim të spitalit “ONIX”.