Lajm i Fundit, Coronavirus
2 nga të infektuarat me COVD-19 nga Peja janë shtatzëna, gjendja e tyre stabile
23.4.2020 - 12:01
Instituti i Shëndetit Publik ka njoftuar dje se 4 raste me COVID-19 janë nga Komuna e Pejës.
Drejtori i Shëndetësisë në Pejë, Petrit Loci, në një bisede për KALLXO.com ka dhënë detaje lidhur me të infektuarit.
Loci tha se 4 rastet janë raste kontakti me një mjek të Komunës së Gjakovës i cili ka rezultuar pozitiv më herët.
Sipas tij, 2 prej tyre janë shtatzëna dhe gjendja e tyre është stabile.
“4 rastet kanë qenë pacientë të doktorit” tha Loci.
Sipas ISHPK-së të infektuarit nga Komuna e Pejës, janë nga fshati Nabërgjan, Lutogllave, Vitomericë dhe Pejë.
Deri më tani, në komunën e Pejës janë 21 persona të infektuar me virusin COVID-19.
