Infografika e rreme për bisedën në mes të Albin Kurtit dhe Mimoza Kusari-Lilës

“Alo zemlajk, a fole me Radoiçiqin?” dhe Kusari- Lila të ketë thënë “Da, da” që në gjuhën shqipe i bie “Po, po”

Më 03.06.2024 faqja në Facebook “Prishtina” (arkiva) publikoi një fotografi të Kryeministrit të Kosovës, Albin Kurti dhe shefes së Grupit Parlamentar të Lëvizjes Vetëvendosje, Mimoza Kusari-Lila. Fotografia kishte mbishkrimin “ZdraVVo”, ndërsa mbi të është vendosur një bisedë e supozuar në mes të Kusari-Lilës dhe Kurtit. Në këtë postim supozohet që Kurti ka thënë “Alo zemlajk, a fole me Radoiçiqin?”, ndërsa Kusari-Lila citohet të ketë thënë “Da, da” që në gjuhën shqipe i bie “Po, po”.

Ky postim nga faqja Prishtina është bërë në ditën kur në media në Kosovës është publikuar një përgjim përmes të cilit pretendohet se shefja e Grupit Parlamentar të Lëvizjes Vetëvendosje ka biseduar me Milan Radoiçiq, ish-nënkryetarin e Partisë Lista Serbe. 

Krypometër më 20.06.2024 ka kontaktuar me shefen e Grupit Parlamentar të Lëvizjes Vetëvendosje për të verifikuar nëse ajo ka zhvilluar një bisedë më kryeministrin, Albin Kurti.

“Jo, është tërësisht e rreme ky pretendim”- thuhet në përgjigjen e Mimoza Kusari-Lilës dhënë për Krypometër.

Manxhuka e kishte bërë një postim më 04.06.2024, vetëm një ditë pas publikimit të inçizimit të bisedës së Mimoza Kusari- Lila dhe Milan Radoiçiqit.

“Trashëgimia e keqe e tyre nuk bëhet dot mëkat i yni. Ata që kanë bërë biznese, koalicione, qeveri e miqësi me Radoiçiqin nuk mund të na bëjnë gjyqin neve sot. Me neve Radoiçiq ikë maleve me bisht nën shalë, e nuk zë vend në karrigat e zyrës së Kryeministrit. Kjo është sa për përkujtim për të gjithë korin kritikues e akuzues që i kemi dëgjuar dje e sot. Tjerat i gjykon më së mirë qytetari. Ai më së miri e di se ku ishte Lista Serbe dhe Radoiçiq para qeverisë sonë, dhe ku janë sot”- ka shkruar Manxhuka.

Zëdhënësi i Qeverisë së Kosovës, Përparim Kryeziu ka thënë se postimi që pretendon se Kurti e Kusari-Lila ka folur rreth bisedës së Milan Radoiçiqit është i rremë.

“Nuk është e vërtetë, ky është një lajm i rremë”– ka thënë Përparim Kryeziu më 20.06.2024 për Krypometër.

Mimoza Kusari-Lila është shefe e Grupit Parlamentar të Lëvizjes Vetëvendosje. Pas publikimit të inçizimit të parë në vitin 2023, Kursari- Lila kishte thënë se biseda ishte bërë me qëllim të miratimit të Marrëveshjeve Ndërkombëtare. 

Milan Radoiçiq ka qenë nën-kryetar i Partisë Lista Serbe, e cila ka qenë pjesë e qeverive të Kosovës që nga themelimi i saj në vitin 2014. Radoiçiq ishte i kërkuar për rastin e vrasjes së politikanit serb, Oliver Ivanoviq. 

Radoiçiq, në vitin 2024 ishte përfshirë në rastin e sulmit terrorist në Banjskë, në veri të Kosovës. 

Në orët e para më 24.09.2023, një patrullë e Policisë së Kosovës ishte sulmuar me mjete shpërthyese duke vrarë rreshterin e Policisë, Afrim Bunjaku. 

Në kundërpërgjigjen e Policisë, tre terroristë u vranë dhe disa u plagosën. Disa prej personave të përfshirë në sulmin në Banjskë u arrestuan, kurse shumica e anëtarëve të grupit kanë ikur në Serbi. 

Operacioni i sulmit terrorist u udhëhoq nga ish-nënkryetari i Listës Serbe, Millan Radoiçiq. Ai vetëm pak ditë pas sulmit terrorist me anë të një letre të cilën e lexoi avokati i tij, kishte marrë përgjegjësinë për sulmin, organizimin dhe logjistikën për këtë sulm duke thënë tutje edhe se pas këtij rasti jep dorëheqje nga pozicioni i tij brenda partisë serbe që funksionon në Kosovë, Lista Serbe. Radoiçiq gjithashtu po kërkohet nga INTERPOL-i për rastin e Banjskës.

Policia e Kosovës i ka sekuestruar disa prona të Millan Radoiçiq, duke përshirë villën e ndërtuar buzë liqenit të Ujmanit. Më 12.01.2024 policia e Kosovës pati patrulluar në liqenin e Ujmanit, duke nisur nga vila e Millan Radoiçiq, personi që mori përgjegjësinë për sulmin terrorist që ndodhi në Banjskë të Zveçanit.