Fotografia e montuar e deputetes Matoshi
Deklarata
A ma lirë një i zi a ma lirë një i kuq
Vlerësimi
Rrenë
Fotografia në të cilën shihet deputetja Ardiana Matoshi me një pankartë në dorë me mbishrimin “A ma lirë një i zi a ma lirë një i kuq”, është e fabrikuar. Deputetja Matoshi nuk ka mbajtur pankartë me mbishkrim të tillë. Ajo në seancën e Kuvendit të Kosovës, të datës 13 korrik 2023 mbante në duar një pankartë me mbishkrimin: “A ma lirë një shishe ujë a një ari tokë?”.
Artikulli
Më 13 korrik 2023, në faqën e Facebook-ut “Prishtina”, është publikuar një fotografi e deputetes së Lëvizjes Vetëvendosje, Adriana Matoshi, me një pankartë në duar me mbishkrimin “A ma lirë një i zi a ma lirë një i kuq”.
Krypometri ka gjetur se pankarata dhe mbishkrimi në të janë të fabrikuar, pasi në formën origjinale në pankartë thuhej: “A ma lirë një shishe ujë, a një ari tokë”, të cilën deputetja e ka mbajtur në seancën e datës 13 korrik 2023.
Deputetja Adriana Matoshi për Krypometrin ka thënë se fotografia është e montuar.
Më 13 korrik 2023, Pas sulmit fizik që ndodhi mes deputetëve të Kuvendit të Kosovës, deputetja nga radhët e Lëvizjes Vetëvendosje Adriana Matoshi, doli dy herë me një letër në duar para kolegëve të saj.
Fillimisht në letrën e bardhë që ajo mbante në duar shkruante “Rund 2”.
E më pas ajo prapë doli para deputetëve me një letër tjetër ku shkruante: “A ma lirë një shishe ujë a një ari tokë?”.
