Kabllot si rrjeta merimange në Prishtinë - FOTO

Në pothuajse çdo lagje të kryeqytetit ka ngarkesë të shtyllave të energjisë elektrike.

Kjo gjë përpos që paraqet rrezik për banorët, e bën qytetin të duket i shëmtuar.

Nga qytetarët ka pasur vazhdimisht ankesa që të merren hapa në këtë drejtim, pasi shumë tyre janë lehtë për tu kapur nga fëmijët.

Për të përmirësuar këtë gjendje të trafove, komuna e Prishtinës ka lidhur kontratë rreth 16 milionë euro me KEDS për futjen e rrejtit të energjisë në tokë, në ato zona ku ka ngarkesë të madhe.

Kryetari Shpend Ahmeti para një viti deklaroi se kabllot e rrymës do futen në tokë, ndërsa shtyllat do përdoren vetëm për ndriçim.

Puna si fillim ka nisur në lagjen “Pejton” dhe po vazhdon edhe në zona tjera të qytetit.

KALLXO.com ka siguruar disa pamje të trafove të mbingarkuara nga telat nëpër lagje të ndryshme të qytetit.