Junik, një person dyshohet se ka tentuar të votojë më shumë se një herë, shoqërohet në Polici
14.11.2021 - 13:12
Një person është shoqëruar në Polici dhe për momentin është duke u intervistuar nga Policia e Kosovës, nën dyshimin se ka tentuar të votojë më shumë se një herë.
Zëdhënësi i Prokurorisë së Pejës, Shkodran Nikçi, ka thënë se pas intervistimit të të dyshuarit, do të vlerësohet se a ka vepër penale.
“Momentalisht i dyshuari është duke u intervistuar nga Policia, më pas, prokurori do ta vlerësojë se a ka elemente të veprës penale”, ka thënë Nikçi për KALLXO.com
Ngjarja ka ndodhur në Qendrën e votimit 3101C në Junik.
Një person po ashtu është intervistuar nga forcat e rendit afër shkollës ‘Kongresi i Manastirit’ ne Gllamnik të Podujevës nën dyshimin për ‘dallavere’ me vota.
Dyshimet në procesin e zgjedhjeve, intervistohet një person në Podujevë