Google sjell një mënyrë të re kërkimi përmes inteligjencës artificiale
Kompania Google i ka prezantuar të enjten dy mjete të reja të inteligjencës artificiale për të cilat thotë se do ta bëjnë kërkimin e gjërave në internet “radikalisht më të dobishëm”.
Përdoruesit e telefonave celularë të cilët qasen në Google në disa telefona Android së shpejti do të jenë në gjendje të rrethojnë ose nënvizojnë artikujt që shfaqen në ekranet e tyre të telefonave të mençur për të marrë më shumë informacion dhe për të bërë pyetje të ndërlikuara ose të nuancuara rreth një fotografie apo një teksti.
Kompania e lartcekur thotë se është duke i testuar në heshtje mjetet për të parë sesi AI gjeneruese, teknologjia që i mbështet chat-botet virale, përfshirë ChatGPT, mund ta bëjë Kërkimin më të personalizuar dhe intuitiv që nga viti i kaluar.
Këto veçori të reja u përfolën fillimisht gjatë ngjarjes Unpacked të Samsung në fillim të kësaj jave dhe do të vijnë në serinë e telefonave inteligjentë Galaxy S24 që do të lançohet më vonë këtë muaj. Ai gjithashtu do të nisë në një pjesë të vogël të telefonave të tjerë të nivelit të lartë Android, duke përfshirë Pixel 8 dhe Pixel 8 Pro, duke filluar nga 3 janari.
Funksioni i parë, i quajtur ‘Rrethi për të Kërkuar’ (Circle to Search), u mundëson përdoruesve të Android të rrethojnë, klikojnë, nënvizojnë apo t’i shkarravisin fotot, videot ose tekstin për të mësuar më shumë rreth asaj që shohin, si p.sh. një pikë referimi në pjesën e pasme të faqes së mediave sociale të dikujt.
Përveç kësaj, duke filluar nga e enjtja, njerëzit do të jenë në gjendje ta drejtojnë kamerën e tyre celulare (ose të ngarkojnë një foto ose pamje nga ekrani) dhe të bëjnë një pyetje përmes aplikacionit Google për të marrë informacion.
Përgjatë viteve, Google ka bërë ndryshime në Kërkim, të tilla si aktivizimi i kërkimit me zë ose mjeti i tij Lens, i cili e përdor teknologjinë e njohjes së pamjes apo fotografisë përmes kamerave të një telefoni të mençur për të mësuar më shumë rreth botës përreth tyre.
Loja e inteligjencës artificiale të Google e vë theksin tek një shtytje më e madhe në industrinë e teknologjisë, pasi kompanitë e mëdha të teknologjisë, duke përfshirë Microsoft, Amazon, Meta dhe të tjera, po garojnë për të vendosur teknologji të ngjashme.
“Ne vetëm sa kemi gërvishtur sipërfaqen e asaj që është e mundur,” tha kompania në një njoftim për shtyp./CNN
