Tre gjyqtare nga Shqipëria pajisen me stemën e FIFA-së
05.1.2022 - 16:02
Tre gjyqtare të futbollit nga Shqipëria janë pajisur me stemën e FIFA-së.
Bëhet fjalë për Mirela Çemerin, Mirjeta Salla dhe Edjena Kapxhiku që tashmë janë pajisur me stemën e FIFA-së dhe mund të ndajnë drejtësinë edhe në ndeshjet ndërkombëtare.
Lajmi është bërë i ditur nga ana e Federatës Shqiptare të Futbollit në një komunikatë për media.
Kjo nuk do të jetë hera e parë që një gjyqtare do të ndajë drejtësinë në ndeshjet ndërkombëtare.
Më herët këtë e kanë bërë edhe Emanuela Rrusta si gjyqtare kryesore ndërsa si asistente kanë qenë Erinda Kume dhe Koleta Prenga.