Zgjatet Dënimi për Atletin që Vrau ish të Dashurën e tij
24.11.2017 - 14:33
Një gjykatë në Afrikën Jugore ka zgjatur masën e ndëshkimit për trembëdhjetë vjet dhe pesë muaj për atletin e lojërave paraolimpike, Oscar Pistorius, që vrau të dashurën e tij.
Gjyqtarët kanë vendosur se gjashtë vjet dënim për vrasjen e Reeva Steenkamp është dënim “tmerrësisht i lehtë”.
Zëdhënësja, Tania Koen, i ka thënë Associated Press, se prindërit e Steenkamp ishin të emocionuar derisa e shikonin vendimin nga gjykata, nga shtëpia e tyre.
“Ata ndjejnë se tash ka drejtësi për Reevan dhe se ajo tani mund të prehet në paqe”, ka thënë Koen.
Oscar Pistorius vrau të dashurën e tij në ditën e Shën Valentinit në vitin 2013.
Sipas tij ai e kishte ngatërruar atë me një grabitës.