Gjykata Themelore e Prishtinës - Foto: KALLXO.com
Përsëri Paraburgim për 10 të Dyshuar për Terrorizëm
Gjyqtari Vehbi Kashtanjeva ka caktuar masën e paraburgimit ndaj B.B., V.I., L.M., K.P., Xh.T., L.S., F.G., L.G., A.A. dhe A.Sh., masën e arrestit shtëpiak ndaj të dyshuarit L.V., kurse masën e paraqitjes në stacion policor ndaj L.M., B.P., B.I., H.R., A.K. si dhe M.Sh.
Prokurorja e Prokurorisë Speciale, Merita Bina-Rugova, kishte kërkuar paraburgim për të 17 të dyshuarit për terrorizëm.
Fillimisht ndaj të gjithëve ishte caktuar masa e paraburgimit, e cila më pastaj ishte zbutur ndaj 7 prej të dyshuarve.
http://kallxo.com/paraburgim-te-dyshuarve-per-planifikim-te-sulmeve-terroriste/
Një vendim i Gjykatës Supreme të Kosovës këtë rast e riktheu në rigjykim, duke kërkuar prova shtesë për të dyshuarit.
http://kallxo.com/supremja-paraburgimi-per-te-dyshuarit-per-terrorizem-u-caktua-pa-prova/
Avokatja Albana Kelmendi tha për KALLXO.com se do të bëjë përsëri ankesë ndaj këtij vendimi sepse nuk janë paraqitur prova të reja.
“Nuk është paraqitur asnjë provë e re siç ka kërkuar Gjykata Supreme me vendimin e saj. Prokurorja është bazuar vetëm në deklaratat e të pandehurve dhe nuk ka asnjë provë”, tha Kelmendi.
http://kallxo.com/paraburgim-te-udhezuarve-nga-lavdrim-muhaxheri/